練者受傷，瑜伽老師叫佢繼續練習，對嗎？

有幾多人會去了解瑜伽既本質我地並不清楚，但據說七成八既人都會經歷一個「征服」體式的漫長旅程。一旦有對體式既執念，瑜伽傷害就自然發生。而且，日常生活之中，唔少都會遇過閃腰、腳傷、手痛等問題。咁樣既話，受傷或者練傷咗，仲應唔應該繼續練呢？

係正常既情況之下，當我地受傷聽醫生一般既建議係：仲練咩，返去乖乖抖下啦。而作為瑜伽老師，我地經常比練者既建議都係：呢段時間先休息一下。

「休息」其實係最穩陣既辦法，因為
一、休息唔會對身體造成二次傷害
二、休息能夠令身體減少最大消耗，幫助將養份送到更多受傷部分幫助恢復

但剩係靜養又係咪完全正確？都未必。

受傷既肢體係長時間固定之後，會易產生關節僵化既問題，無法正常進行屈曲同伸展；長時間缺乏運動，肢體既肌肉會發生嚴重萎縮；但當我地受傷之後，身體會發自本能保護受傷既部分以免受到壓逼產生疼痛。所以我地會容易將所有發力點和承壓點都放係無受傷既部分代償，所以換句話說，你休養幾耐，你其他肌肉就代償左幾耐。最好方法係，繼續保持一個感覺舒適嘅活動，如果關節受傷可以繼續伸展及訓練關節周邊嘅肌肉

#yosciamovement #aumyoga #aumyogaacademy #筋膜交鬆 #瑜伽 #yoga #yogahk